Трендови за уредување кои изгледаат убаво на Инстаграм, но не се практични

Лизгачките врати не нудат никаква изолација, а црниот мијалник се валка многу лесно и ќе треба да го чистите постојано.

Инстаграм и Пинтерест се инспирација за многумина кога го реновираат или уредуваат домот.

Но, многу поважно од изгледот на домот е неговата практичниот и функционалност.

Постојат трендови за уредување кои навистина изгледаат убаво, но кога ќе размислите, не се воопшто практични.

Дел од нив во продолжение:

Прекинувачи покрај креветот во спалната

Прекинувачот за светилката поставен покрај креветот е практичен за кога ќе си легнете.

Но, ако ставите прекинувач само покрај креветот, ќе си создадете непотребен проблем.

Прекинувачот покрај креветот ќе ви биде потешко достапен, па затоа осигурете се дека ќе ставите и еден покрај вратата.

Ножеви и тави закачени на ѕидот во кујната

На Инстаграм и Пинтерест можете да најдете безброј фотки од кујни со тави и ножеви закачени на ѕидот. И, овој детаљ несомнено го разубавува просторот.

Но, на овој начин ќе ви собираат прашина и ќе треба да ги миете пред секоја употреба.

Лизгачки врати

И лизгачките врати го имаа својот момент на Инстаграм и Пинтерест бидејќи изгледаат навистина добро.

Но, многу е важно каде ги поставувате.

Лизгачките врати не се соодветни за спална соба бидејќи не нудат скоро никаква изолација.

Што значи, ќе ги слушате сите звуци, а во зима ќе ви биде потешко да ја загреете просторијата со лизгачка врата.

Црно-бели плочки на подот

Црно-белите плочки изгледаат навистина уникатно и веруваме дека ќе ви се допаѓаат, сè додека не дојде ред да ги чистите.

Црната и белата се бои на кои најмногу се познаваат нечистотии.

Па, ако сакате вакви плочки, ќе треба да се подготвивте да ги чистите секој ден.

Црн мијалник

Црниот мијалник, без разлика дали во кујната или бањата, дефинитивно изгледа луксузно.

Но, само помислете колку често ќе треба да го чистите бидејќи на него ќе се познава и најмалата дамка од бигор.

Продолжува на следната страница...