„Имав 5 трансплантации на коса, ова е мојата лузна, 17 години се срамев од неа“

Голем број на мажи имаат проблем со ќелавење и се чувствуваат ранливо во врска со тоа, еден холивудски актер отворено проговори.

Актерот Чејен Џексон (44) неодамна објави фотографија на Инстаграм од голема лузна на неговата глава. Тој отворено проговори за проблемот со губењето на косата и операциите што ги направил.

„Стравувам од овој ден веќе 17 години. Од денот кога мојата ужасна тајна ќе биде откриена“, напиша тој и откри дека неговата лузна на главата не е од операција на мозокот, ниту од напад на ајкула.

„Имав трансплантација на коса. Поточно 5 во текот на 14 години“, призна тој.

https://www.instagram.com/p/CAjBWB7DlYT/

Чејен конечно собра храброст отворено да говори за проблемот што ги мачи многу мажи – губењето на коса многу рано во животот. Тој призна дека поради срамот од трансплантациите се чувствувал засрамено и анксиозно, но сега одлучил да говори отворено за проблемот.

Почнал да ја губи косата на 22 години и се чувствувал многу ранливо со секое изгубено влакно, се чувствувал непривлечно и првата операција ја направил на 28 години. Била болна и скапа процедура, но тој почнал да се чувствува подобро во врска со себе.

Но, додека со трансплантацијата ја заменил косата која веќе му опаднала, неговата коса продолжила да слабее, па потоа имал уште процедури изведени тајно.

Притисокот во филмската индустрија во која убавината е на цена направила ова да го чува како тајна толку долго.

„Го споделувам ова затоа што се надевам дека ќе помогнам на некој што исто така крие некоја тајна или лузна од која се плаши да го симне товарот од своите гради“, порача Џексон кој додаде дека најважно му е да ги научи неговите деца на вистинските вредности, односно да се прифатат себеси и да бидат тоа што се.

С. С. | Црнобело