За коса како на море: Направете спреј за „мокри локни“

Не постои жена и девојка која не сака локни, баш како оние кои се прават на море, кога ќе излезе од солена вода.

Ако не сте на море, а сакате исти такви мокри локни, ви предлагаме да го пробате овој рецепт за домашен спреј.

Потребни состојки:

• 1 шолја топла вода (ако сте русокоса можете да ставите чај од камилица, а ако сте бринета црн чај)
• 2 лажици морска сол
• 1 лажица гел од алое вера
• ½ лажичка регенератор
• Неколку капки етерично масло по желба за мирис
• Шишенце со распрскувач

Подготовка:

Сите состојки ставете ги во шишето и протресете го минута-две додека не се стопат.

Ако како база користите чај, спрејот задолжително чувајте го во фрижидер.

Може да се користи максимум 3 месеци.

За најдобар ефект, спрејот нанесете го на влажна и расчешлана коса, а потоа може да ја пробате и постапката со памучна маица.