Ја поседувате ли особината која гарантира успех во животот?

Постојат многу квалитети и особини кои влијаат на нашиот успех, но научниците тврдат дека постои една клучна особина која одредува колку ќе бидете успешни во животот.

Дали некој до сега ве опишал како совесна личност, ви кажал дека сте совесен работник? Ако вашиот одговор е позитивен, тоа е одлична вест, бидејќи токму совесноста е особината која долгорочно гарантира успех на сите животни полиња.

Успешните и стабилни личности ги красат многу особини, но најважна е совесноста.

Лицата кои ја поседуваат оваа особина се внимателни кога нешто работат, работејќи прецизно и доследно, сакајќи сè да биде завршено без никакви грешки.

Тие се личности со извонредна самодисциплина, организираност, промисленост и желба за успех. Никогаш на доцнат, фокусирани се на извршување на своите задачи и секогаш се подготвени да им помогнат на колегите.

Освен со успехот совесните луѓе може да се пофалат и со подобро здравје. Најчесто тоа се лица кои не пијат и не пушат, па заради тоа помалку се склони кон болести и живеат подолго.

„Совесноста е како четкањето заби, делува превентивно и не дозволува појава на проблеми. Луѓето со оваа особина секогаш имаат план. Дури и кога ќе се соочат со неуспех, тие веќе имаат план како да се справат и со него“ – изјавува Брент Робертс, психолог на универзитетот во Илиноис.

М. С. | Црнобело