Грешки во говорот на телото кои прават да изгледате несигурно и непрофесионално на работа

Постојано проверувате колку е часот

Кога имате напорен работен ден, нормално е едвај да чекате да си одите дома. Но, немојте постојано да го проверувате времето.

Со ова оставате лош впечаток кај надредените.

Како да се подобрите?

Бидете посуптилни кога го проверувате времето и немојте да го правите тоа на секои пет минути.

Се однесувате како да сте дома

Навистина е одлично ако работите во релаксирана атмосфера, но не треба да заборавите дека сепак сте на работа, а не дома.

Претераното опуштање воопшто не изгледа професионално, без разлика колку ви се толерантни шефовите.

Како да се подобрите?

Бидете професионални – седете исправено, средувајте си го бирото…

Целосно се изолирате од колегите

Нормално е да немате ништо заедничко со ниту еден колега, особено ако сте во канцеларија со малку луѓе.

Но, немојте целосно да се изолирате од сите. Со ова колегите ќе мислат дека не сакате да соработувате со нив.

Како да се подобрите?

Не мора да ги споделувате најдлабоките тајни со колегите, но одвреме-навреме поставете им некое прашање, вклучувајте се во нивните разговори и слично.

Превртувате со очите кога нешто не ви се допаѓа

Иако можеби немате лоша намера, оваа реакција изгледа многу арогантно и покажува непочитување.

Како да се подобрите?

Кога ќе слушнете нешто што не ви се допаѓа, не реагирајте инстинктивно и дајте го најдоброто од себе да ги контролирате изразите на лицето.

Не се грижите за изгледот на видеоповици

Ако имате состанок преку видеоповик од вашиот дом, не значи дека е во ред да се појавите во пижами.

Како да се подобрите?

Кога имате состанок преку видеоповик, однесувајте се како да е во живо. Најмалку што можете да направите е да се облечете соодветно и да си ја средите косата.

Спирова С. | Црнобело