Водопад со оган, опседнати хотели и гробишта - 15 најмистериозни места во светот

Структурата Ричат, Мавританија

Оваа структура се наоѓа во пустината на Сахара и изгледа како циклон, но всушност е камена структура.

Некои научници веруваат дека е настаната како последица на удар од астероид, а друг пак веруваат дека е дело на природната ерозија на тамошните карпи, а се разбира има и такви кои веруваат дека е дело на вонземјани.

Наска линиите, Перу

Наска линиите ја пресекуваат пустинскота почва во Јужно Перу и се меѓу најстарите предисториски остатоци во цела Јужна Америка.

Овие огромни геоглифи најдобро се гледаат од авион, кога можете да ги забележите необично прецизно нацртаните огромни цртежи на мајмуни и пајаци.

Овие цртежи се заштитени од УНЕСКО и никој сè уште не знае зошто биле нацртани.

Хајгејт гробиштата, Англија

Овие гробишта се сметаа за едно од најопседнатите места со духови во цела Англија, се разбира доколку не ја сметаме Лондонската кула.

Изгледот на самите гробишта е доволно за да ви ја заледи крвта, а некои луѓе тврдат дека имаат видено духови, па и вампири како се кријат навечер.

Област 51, САД

Местото е магнет за луѓето кои се занимаваат со теории на завера и е инспирација за многу љубители на приказните за вонземјани.

Регионот се наоѓа во средина на пустината во Невада и се чува како врвна тајна од владата на САД уште од педесетите години на минатиот век.

Велигденските острови, Полинезија

На преодот на првиот милениум од нашата ера, народот Рапа Нуи се населил на ветровитиот Велигденски остров. Островот бил откриен дури во 1722 година од холанѓанинот Јакоб Рогевен, којшто наишол на мноштво изделкани колосални камени глави.

На островот има преку 880 од така наречените Моаи глави, за коишто се верува дека секоја од нив претставува поглавар на некое од племенските кланови.

Стоунхенџ, Англија

Сместен во низините на јужна централна Англија, Стоунхенџ долги години е обвиен со мистерија и магија.

Оваа кружна мегалитска структура се претпоставува дека е создадена пред околу 5.000 години и тоа од камен којшто можел да биде донесен само од ридовите Пресели, оддалечени 300 km од Велс.

Мистеријата е како овие огромни камења биле транспортирани од неолитските луѓе и која била целта на оваа градба.

Улуру, Австралија

Улуру е моќно издигнување во средина на Австралискиот аутбек, предел каде што не допрела човечката цивилизација заради непријателската пуста природа.

Оваа карпа се гледа оддалеку од сите страни на огромниот пуст предел и е често место на посета за оние кои сакаат да шетаат низ овој предел.

Исто така, ова место било главна ориентација во светот на абориџините, па така и нивното верување налага дека оваа карпа е последната останата куќа на нивниот бог.

А има и такви посетители коишто тврдат дека се полнат со енергија од флувијалните канали коишто течат под карпата.

(О)Милена | Црнобело