Магнет за машки погледи: По каква девојка се вртат повеќето момци?

Вкусовите се различни и луѓето меѓусебно се привлекуваат од разни причини. Меѓутоа, постојат одредени телесни карактеристики на жените, коишто повеќе од некои други, ќе ги натераат припадниците на посилниот пол да ја завртат главата по нив. Кои жени им се најпривлечни?

Резултатите од неодамна спроведеното истражување на оваа тема, со кое биле анкетирани над 2000 испитаници, откриваат кои физички адути на жените се магнет за машките погледи.

Па, по каква девојка се вртат повеќето момци?

Речиси 60 проценти од испитаниците одговориле дека темнокосите девојки им се подраги од русокосите.

Притоа, бринетите се поатрактивни од црнките. Најмалку популарни се црвенокосите девојки, кои ги навеле само 8% од нив, додека преостанатите 29% сепак повеќе ги сакаат блондинките.

Она што посебно ќе ги воодушеви девојките кои „патат“ поради вишокот килограми, претставува податокот дека мажите не ги преферираат (пре)слабите жени.

Мнозинството испитаници, поточно 38 проценти од нив, сметаат дека идеалната жена носи конфекциски број 40 или 42.

На второ место се дамите со уште понагласени облини, додека слабите девојки се дури на третата позиција.

Што се однесува до бојата на очите, вкупно 40% од испитаницитите одговориле дека најатрактивни се жените со сини очи.

Кафеавите очи се на второ место, а зелените се третопласирани.

Значи, судејќи по ова истражување, девојката по која ќе се сврти секој фраер има кафена коса, сини очи и носи конфекциски број 40 или 42.

Се согласувате ли?

М. А. | Црнобело