Дефиниција за среќа низ 3 практични совети од милијардерот Ричард Бренсон

Ричард Бренсон е милијардер кој своите добри желби отворено ги пренесува на сите луѓе, во целиот свет.

Според Бренсон, секој може да се „хакира“ сам себе, за да може да ги смени нештата во своја корист и да биде среќен.

Во продолжение, прочитајте ги неговите три практични совети за среќа:

1. Заборавете на „ќе направам“ листите (to do list), а наместо тоа направете „ќе бидам“ (to be) листа. Ќе бидам здрав, ќе бидам повеќе со семејството, со пријателите, ќе бидам овде за некого и ќе дозволам некој друг да биде овде за мене.

2. Уживајте во моментот и ценете го тоа што го имате. Само на тој начин ќе си дозволите себе да бидете вистински среќни. Животот е прекраток, исполнете го со вистински уживања.

3. Среќата да ви стане навика, а не цел. Дури и кога сте најтажни не треба да целите кон тоа да бидете среќни, туку треба да најдете начин како да ја надминете тагата. Сакајте, помагајте и бидете благодарни, на таков начин ќе го навикнете умот на среќа и ќе се чувствувате среќни.

С. У. | Црнобело