Положба на спиење која ги олеснува менструалните болки

Нема ништо полошо од тоа да се превртувате по креветот додека да најдете удобна положба, особено за време на месечниот циклус.

Грчевите во стомакот честопати ве држат будни, а неизбежен дел се и нападите на глад во текот на ноќта.

Но, постои една положба која ги ублажува менструалните тегоби, а тоа е положбата на фетус. Лекарите објаснуваат дека спиењето во оваа положба ги намалува грчевите во стомакот и ја ублажува болката што се јавува додека сте во тие денови од месецот.

Дополнителна предност на положбата фетус е што нема големи шанси да се направат дамки од крв на постелнината бидејќи нозете се споени една до друга.

Додека сте во деновите од месечниот циклус, избегнувајте да спиете на стомак бидејќи се прави притисок на матката и се зголемуваат грчевите во стомакот.

М. В. | Црнобело