10 најмали земји во светот кои не сте знаеле дека постојат

Постојат повеќе од 200 земји во светот и сигурно за секоја од нив сте слушнале барем еднаш во животот. Но има и територии на нашата планета за коишто не сме запознаени дека постојат. Тие зафаќаат многу мала површина и некои од нив се населени со само неколку фамилии.

Мислите дека нашата држава е мала? Откако ќе ги прочитате следните податоци ќе сакате да си го преиспитате мислење. 

Ова се 10-те најмалечки земји во светот за кои веројатно не сте слушнале никогаш:

Палау

Површина: 459 квадратни километри. Популација: 21.347 жители.

Република Палау е островска земја којашто брои повеќе од 300 острови. Палау е едно од најневеројатните места на планетата Земја. Нејзините дождовни шуми се преполни со ендемски видови на растенија и птици, а територијалните води се населени со 130 загрозени видови на ајкули.

Но, најинтересниот дел од земјата е езерото преполно со преку 2 милиони медузи. Но не грижете се, со текот на годините, тие ја изгубиле способноста да пецкаат.

Ниуе

Површина: 261,46 квадратни километри. Популација: 1.190 жители.

Ниуе е островска држава во Океанија. И покрај неверојатната природа, туризмот не е популарен, па токму затоа земјата во голема мера зависи од странската помош, особено од Нов Зеланд. Главниот град е мало село со популација од помалку од 600 жители, но затоа островот има супермаркет, па дури и сопствен аеродром.

Сент Китс и Невис

Површина: 261 квадратни километри. Популација: 52.329 жители.

Државата се состои од два острови: Сент Китс и Невис. Еден од главните извори на приход е програмата на економско граѓанство што овозможува секој којшто има 250.000 долари да ги инвестира во локалната шеќерна индустрија и со тоа да се стекне со државјанство.

Друг начин да се стекнете со државјанство е да купите имот со вредност не помала од 400.000 долари на кој било од двата острови.

Монархијата на реката Хут

Површина: 75 квадратни километри. Популација: 30 жители.

Монархијата на реката Хут е микронација лоцирана во истоимената провинција во Австралија. Формирана е од Леонард Кесли, којшто ја прогласил својата фарма за нова и независна држава.

Иако земјата не е признаена од ниту една држава, сепак таа има свои пари, поштенски марки и пасоши. Во различни делови од монаријата туристите можат да видат бисти од Неговото Височество, Принцот Леонард Први од Хут.

Тувалу

Површина: 26 квадратни километри. Популација: 10.959 жители.

Тувалу е една од најмалите и најсиромашните земји во светот. Економската состојба на земјата најверојатно би била и полоша доколку не им беше доделен домејнот .tv преку кој годишно се слеваат милиони долари во државниот буџет.

Науру

Површина: 21 квадратни километри. Популација: 9.591 жители.

Ова е најмалата независна република и најмалата островска земја на планетава. Науру нема главен град, а нема ниту јавен транспортен систем. 35 километри од локалните патишта се користат само од страна на локалните жители со приватните автомобили.

Проблемите со екологијата ја прават оваа земја непопуларна за туристите, а друг неславен рекорд којшто го држи оваа земја е бројот на предебели луѓе, којшто изнесува 70% од популацијата.

Монархијата Себорга

Површина: 4,91 квадратни километри. Популација: 312 жители.

Оваа микронација на територијата на Италија е водена од Неговата Страотност Марсело Први. Монархијата Себорга е всушност село со истото име на границата со Франција и има армија која се состои од дури тројца луѓе: Министерот за одбрана и двајца граничари.

Република Молосија

Површина: 0,055 квадратни километри. Популација: 7 жители.

Самопрогласената Република Молосија е микронација основана од Кевин Бог, лоцирана во Невада, САД. Молосија се состои од Кевин, неговата фамилија, 3 кучиња, 1 мачка и 1 зајак. Молосија има своја химна, грб и знаме.

Дури имаат и воведено смртна казна за сериозни криминали. Издаваат свои пасоши, па дури имаат и вселенска програма. Во Мај 2017 републиката прослави 40 години од своето постоење.

Суверен воен ред на Малта

Површина: 0,012 квадратни километри. Популација: 113.500 жители.

Покрај Ватикан, на територијата на Рим има уште една минијатурна држава, а тоа е Суверениот воен ред на Малта и опфаќа три згради, од кои две се во Рим, а третата е на островот Малта. Земјата има свои пари, поштенски марки, регистарски таблички за возила и пасоши.

Монархијата Силенд

Површина: 0,004 квадратни километри. Популација: 27 жители.

Непризнаената држава Силенд е всушност нафтена платформа лоцирана 8 километри од брегот на Велика Британија. Силенд е владеена од самопрогласен принц регент и секој може да стане кнез, барон или војвода во замена за сума од неколку стотици фунти уплатени на сметката на веб страната на државата.

(О)Милена | Црнобело