Дали мажите сакаат тетовирани жени?

Културата за исцртување на телото стана многу честа појава во 21-иот век.

Одлуката за тетовирање е лична, а луѓето се тетовираат од најразлични причини.

Едно од најпоставуваните прашања и дилеми е дали тоа „уметничко дело“ ќе им се допадне на луѓето кои ни значат или на оние чие внимание сакаме да го привлечеме.

Овој тренд е прифатен како кај мажите, така и помеѓу припадничките на понежниот пол, но да се вратиме на главното прашање - Дали мажите сакаат тетовирани жени?

Според истражувањата, голем број мажи сметаат дека привлечноста на тетоважата зависи од уметничкиот квалитет и изработката на истата.

Па затоа, жени, доколку сакате да ги привлечете мажите, обрнете внимание на изборот на салонот во кој ќе се тетовирате и начинот на работа на артистот.

Втора најважна работа е местото на телото каде што се наоѓа. Повеќето мажи се сложуваат дека рамената, задниот дел на вратот и колковите се најпривлечните делови за тетоважа на женското тело.

Од друга страна пак, тетоважите на лицето се најнеатрактивни, како кај мажите, така и кај жените.

Многу мажи сметаат дека тетоважите ги претставуваат луѓето како авантуристи во поглед на сексуалните активности.

Тие исто така многу зборуваат и за самата личност и карактер на жената. Според психолозите, поголем број од тетоважите кои жените ги ставаат, откриваат нешто за нивната индивидуалност, храброст и доза на отвореност кон другите луѓе.

Покрај сето ова, сепак постои и мистериозност која секогаш ги привлекува мажите.

Па девојки, што чекате?

М. М. | Црнобело