Намирници кои треба да ги избегнувате за време на „оние денови“

За да ги ублажите менструалните симптоми, болките, непријатните чувства во пределот на стомакот и изливите на емоции, треба да внимавате на тоа што внесувате во организмот во тој период.

Еве што не е пожелно да јадете:

Месо

Месото содржи заситени масти кои влијаат на зголемувањето на болките и воспаленијата кои ја влошуваат ситуацијата и доведуваат до менструални грчеви. Ако не можете да одолеете на месото, тогаш одберете нешто лесно како пилешко или риба која содржи малку масти.

Грицки и конзервирана храна

Содржат големи количини на натриум кој предизвикува подуеност и може да ги засили менструалните болки. Совршена замена за нив се јаткастите плодови.

Кафе

Научниците тврдат дека кофеинот може да предизвика несоница ако се консумира во големи количини за време на менструацијата. Затоа, бидете умерени со омилениот пијалак.

Благо

Шеќерот од благите работи исто така, може да предизвика грчеви, па ако ви се пријаде нешто слатко, подобро е да одберете овошје.

Н. Г. | Црнобело