Сите го бараат човекот кој ја донирал венчаницата на својата сопруга со емотивна порака

Вообичаено кога се донира стара облека сите само ја собираат во кеса и ја оставаат без да размислуваат или без да оставаат некоја посебна порака.

Но, вработените во болницата St. Gemma во Лидс, Англија, нашле нешто неочекувано. Првото чудно нешто било што виделе дека некој донирал стара венчаница, а уште повеќе се зачудиле кога на неа нашле закачен лист со многу емотивно порака.

Човекот кој ја оставил венчаницата веројатно бил повозрасен маж чија сопруга починала, па решил со благослов некому да ја остави нејзината венчаница.

Во пораката напишал: „Посакувам, која и да е жена што ќе го земе овој фустан да има долг и убав живот со нејзиниот сакан, како што имав јас 56 години. Среќни години. Јас бев среќен човек оженет со жена како мојата“ - ПТО.

Целиот маркетинг тим на болницата се заангажирал за да го најде човекот кој го оставил фустанот со пораката, за да го дознаат остатокот од љубовната приказна.

Објавена е и фотографија на Фејсбук, статија во магазинот „Mirror“, но сè уште нема одговор.

Вака изгледа фотографијата од фустанот и пораката објавени на Фејсбук страницата на болницата:

" data-width="500">