Реклама со над 3 милиони прегледи: Доказ дека кучето е најверното суштество на земјата

Тајландската банка Kiatnakin направила двоминутна снимка каде во фокус е кучето кое на многу разни начини му се заблагодарува на младиот човек кој му дава храна.

Станува збор за реклама која на многу интересни начини ќе успее да ве насмее и секако да ви го стопли срцето.

На почетокот на рекламата младиот човек му дава на кучето храна, а тоа за возврат одлучува на многу различни и интересни начини да му се заблагодари.

Му чува место на паркингот, му ја штити колата од натрапници и искрено му се радува. Будно ја следи секоја ситуација и се грижи за тоа никој да не му ја допре колата и му помага во паркирањето. На крајот следи фантастичната кулминација каде му помага да стигне до девојката која му се допаѓа.

Погледнете ја рекламата и уживајте две минути во забавните ситуации кои ќе ве развеселат и ќе ви покажат дека кучето навистина е најдобриот пријател на човекот.