Бизарна опсесија: Го оставила свршеникот за да живее со 16 кукли

Ејприл Бракер е 30-годишна пејачка, манекенка и писателка од Пенсилванија, која има малку необично хоби.

Можеби и не се работи само за хоби, туку опсесија. Таа има колекција од 16 кукли кои се многу слични со куклите од познатото Muppet Show, кои постојано ги дотерува и на нив троши по 14.000 фунти годишно.

Често знае и од себе да си скрати, само за нив да им обезбеди нешто ново. Ги гледа како свои деца и себеси се смета за нивна мајка, па како што мајката се жртвува за своите деца, така и таа за своите кукли.

Никој не знае како таа дознава кога што им треба, бидејќи тие не зборуваат, но толку многу е опседната со нив, што буквално решила целиот живот да им го посвети ним.

До пред извесно време имала и момче кое решило да ја запроси, но ѝ поставил еден услов, да избере помеѓу него и куклите.

Во првиот момент, бидејќи била многу вљубена, го избрала него, но за кратко време сфатила дека тоа е грешка и се покајала што ги изневерила своите кукли, па се вратила кај нив.

Сега таа живее сама во стан со своите кукли и гордо ја раскажува својата приказна, бидејќи смета дека куклите се целиот живот со неа, никогаш не ја изневериле и нема да ја разочараат, ниту да ја стават на тест да избира помеѓу нив и некој друг, како што тоа го прават мажите.

Затоа нејзината одлука е да го помине остатокот од животот со куклите или со некој кој ќе ја прифати заедно со нив.

• 
• 
• 
• 
• 
• 
• 
• 
• 
•