Зошто да се заљубите во девојката со црвен кармин?

Едноставно, има нешто посебно во бестрашната девојка со црвен кармин. Не, тука не спаѓаат скромните и бледи нијанси и варијации. Мислам на онаа црвена која никогаш нема да ја пропуштиш од видик. Црвена која магнетски ти ги влече очите, а по неколку секунди и срцето.

Зошто треба да и се препуштиш на девојката со црвен кармин?

1. Не е очајна за да те бакне и тоа ја прави неодолива

Девојката со црвен кармин воопшто не се плаши да се врати дома во 4 часот наутро со совршено обоени, недопрени усни. И тоа што некој не и го размачкал карминот во диско никогаш нема да и ја намали самодовербата.

2. Нема потреба да се крие затоа што е секси

Усните се софистициран симбол на сензуалност, возбуда, тајни и секс. Девојката која одбира да го истакне тој дел е повеќе од свесна за своите сексуални моќи.

3. Од секоја нејзина пора испарува самодоверба

Девојката со црвен кармин ќе те натера да се задушиш во нејзината самодоверба. Таа одбива да изгледа помалку секси само затоа што се плашиш дека ќе изгледаш како кловн ако ја бакнеш. И со нетрпение чека да провери до каде ти оди храброста.

4. Ја слави безвремената убавина

Не се грижи дали во мода е панк-рок фазон или гламур од црвениот тепих, таа ја слави безвремената убавина на жената. По малку е носталгична по стариот Холивуд, а по тоа можеш да заклучиш дека си одбрал вистинска жена, наместо немирна девојка.

5. Таа одбира мода наместо функционалност

Секоја девојка која има жар црвена боја на усните, знае колку е тешко да ја носиш. Многу е полесно да ставиш сјај и да јадеш без да проверуваш дали имаш кармин на забите, но тоа не е предизвик. „Бестрашна“ е нејзиното второ име, а „убавината пред функционалноста“ е нејзиното животно мото.

6. Не се плаши да се предаде и врзе за работите

Штом може да се предаде на црвениот кармин и да ги надмине сите препреки кои тој ќе и ги приреди во само неколку часа, верувајте дека не се плаши да се врзе. Но, за возврат очекува перфекција до болка.

7. Таа ги кажува своите големи мисли

Зошто некоја девојка би привлекувала толкаво внимание кон своите усни, ако нема ништо паметно да каже?

8. Преферира само убави работи во животот

Нежниот, мазен, матиран кармин со кремаста текстура е баш онаков каков што би требало да биде животот - софистициран и префинет. Жената која не се плаши да изнесе толку многу совршенство на едно место, има што да понуди.