14 генијални решенија за уништената облека

Како да се ослободите од трагите од кармин или пудра, дупчињата на омилениот џемпер, огромните дамки од вино?

Генијални решенија кои веројатно никогаш немаше да ви паднат на памет.

1. Ако не сакате џемперите да ви се распараат, ставете ги во фрижидер на кратко. Ова посебно се однесува на омилените џемпери од кашмир и волна.

2. Истото можете да го направите и со фармерките кои примиле непријатни мириси. Спакувајте ги во пластична кеса и ставете ги во замрзнувач барем половина час.

3. Флеките на облеката исчистете ги со сок од лимон или сода бикарбона. Исцедете сок или посипете малку сода на местото, истријте или почекајте да отстои, а потоа исперете. Само не заборавајте на внатрешната страна да проверите дали облеката лесно избледува.

4. Трагите од дезодоранс на маиците можете да ги отстраните со парче фармерки. Буквално, земете ја ногавицата од фармерките и пребришете.

5. Трагите од пудра можете да ги исчистите со пена за бричење. Ако случајно ја закачите блузата или кошулата со валкани прсти, намачкајте го местото со пена, па потоа исперете.

6. Со лак за коса може да го исчистите карминот од облеката. Раширете ја маицата или било кое парче облека, испрскајте го исфлеканото место со лак за коса, оставете да отстои 10тина минути, а потоа исперете.

7. Лакот за нокти може да биде прва помош за скршените очила или за копчето кое почнало да се одшива. Намачкајте на местото, почекајте неколку минути и износете ги очилата или омилената блуза со копчиња барем уште 2-3 пати пред да ги поправите.

8. Сувите дамки од кал никогаш не ги потопувајте во вода. Наместо тоа, истријте ги со турпија за нокти.

9. Ако случајно сте ги изгребале кожните чевли, ублажете ја гребаницата со помош на хидратантна крема за лице. Баш како што го штити лицето од пукање, така ќе ги заштити и кожните обувки.

10. Кога жицата од градникот ќе излезе и чувствувате дека ве боцка право во градниот кош, наместо да го фрлите, вратете ја жицата и залепете фластер.

11. Сопрете го кинењето на најлонските хулахопки така што на местото ќе нанесете лак за нокти. Имајте на ум дека хулахопките мора да се облечени.

12. Не ви работи патентот? Не паничете и не ги соблекувајте фармерките. Ставете малку вазелин или масло за тело на едно стапче за уши, подмачкајте и пробајте повторно да го закопчате.

13. Истурете малку сода бикарбона во патики со кои тренирате. Содата ги елиминира непријатните мириси.

14. Со четка за заби и малку оцет исполирајте ги кожните обувки. Речиси сите дамки ќе исчезнат.