Тајната на едноставното - Зошто успешните луѓе носат иста облека секој ден?

Сте се запрашале ли колку време губите кога наутро не можете да се одлучите што да облечете за на работа или факултет?

Поради вашата неодлучност и комплицирање на работите со реченицата: „Немам што да облечам или не знам што да облечам“, најверојатно истото утро ќе задоцните на работа или на предавањето кое започнало половина час пред вие да пристигнете.

Дали и вие сте една од личностите на која ѝ се случува ова?

Доколку сте, најверојатно нема да успеете во животот бидејќи токму тоа комплицирање на работите ќе ви го искомплицира целиот живот кој на крај нема да можете на ниеден начин да го вратите во нормала односно да му дадете епитет „едноставен“.

Ова е докажано и кажано од страна на многу важни личности во светот како што се Бил Гејтс, Обама и многу други.

Обама рекол: „Носам само бели или сини костуми бидејќи не сакам да им посветам многу време на неважните одлуки. Подобро се чувствувам кога се посветувам на донесување важни одлуки, а тие одлуки се оние кои ми носат успех, за разлика од кошулата што ќе ја облечам денес".

Од ова може да заклучиме дека тајната на едноставното е исто така и тајна на успехот, ваше е само да ја искористите информацијата на правилен начин.

Каков е вашиот став?