На прв поглед изгледа како нормален ресторан, сè додека не го отворите менито

Во центарот на Торонто, Канада летово е отворен нов ресторан „Sign“ (Знак). Однадвор изгледа сосема вообичаено како и многу други модерни ресторани. Но, она што ве очекува внатре ќе ве изненади.

На врата ве пречекуваат позитивни и насмеани млади келнери, ве сместуваат и ви го носат менито. Кога ќе го отворите можеби нема да ви биде сè јасно.

Внатре сите оброци и пијалаци се претставени со слики и знаци за глувонеми. Всушност и келнерите се глувонеми.

Кога ќе сакате да нарачате, мора да ги искористите знаците кои ви се нацртани за да може да ве разберат.

Со оваа генијална хумана идеја се отвора можност за нови работни места за лицата со посебни потреби, но и можност за дружење со нив со што рамноправно би станале дел од општеството, без да се чувствуваат запоставени.

Вкусната храна и забавниот начин на нарачување сигурно ќе ве врати повторно во овој ресторан.

Едно големо браво за идејата и реализацијата!