Новиот кинески авион како коктел бар во облаците

Авионската компанија China Airlines го претстави новиот Боинг 777-300ER, кој не само што има фантастичен ентериер, туку има и луксузен бар.

Во овој авион може да јадете, пиете и спиете како во хотел - бар, додека летате низ облаците, во буквална смисла.

Одличен дизајн со дрвен мебел, амбиентално светло и доволно простор за 358 патници (40 во премиум бизнис класата, 62 во премиум економската класа и 256 места во обичната економска класа)

Во премиум бизнис класата има простор и за спиење доколку летот трае подолго. За целосно уживање на сите во оваа класа, понудени се сите можности за освежување според сечиј вкус.

На левата страна се наоѓа бар само за чаеви, каде може да се одбере некој од шесте видови кинески чаеви.

На десната страна се наоѓа кафетерија, за оние кои се поголеми љубители на кофеинот, а за оние кои не го сакаат ни едното ни другото, на средина има бар со коктели.

Во Премиум економската класа има удобни седишта со совршен дизајн кои може да ги спуштате и кревате како сакате, без притоа да им попречувате на оние кои се зад вас. Истите се претвораат и во фотелји на кои може да се опуштите како дома.

Обичната економска класа која е наменета и за семејни патувања, овозможува седиштата кои се едни до други да ги претворите во кревет на кој целото семејство или децата ќе може да видат послободни и да одберат дали ќе седат, лежат или играат.

Од China Airlines се обиделе да одговорат на сечии потреби и за сите категории на патници.