Иновација од ИКЕА - Завеси кои го прочистуваат воздухот дома

Ако имате доволно зеленило во домот, воздухот ќе биде почист и посвеж за дишење. Но, ИКЕА отиде чекор подалеку, па тврди дека новите завеси за прочистување на воздухот имаат многу подобар ефект.

Шведскиот гигант во производство на мебел, создаде завеси кои имаат за цел да го прочистат воздухот во просторот во кој живеете.

Технологијата функционира како фотосинтезата кај растенијата и користејќи сончева светлина, специјалната хемикалија која се испушта во просторот ги уништува сите загадувачи во воздухот.

Човекот кој стои зад идејата е Маурицио Афонсо вели дека за него најважно е да работи на производи кои се корисни за луѓето и производи кои всушност ги решаваат проблемите.

„Верувам дека секој заслужува да диши чист воздух.“

Афонсо пораснал во Бразин и се сеќава дека дишел загаден воздух кој постојано му создавал тежина во градите и правел да се чувствува лошо. Оттаму и идејата да помогне да го реши овој проблем, барем во рамките на домот.

Статистиките покажуваат дека преку 4 милиони лица годишно умираат поради загаденоста на воздухот.

Како ИКЕА се бори со овој проблем опасен по човечкиот живот?

Погледнете во видеото и низ фотките во продолжение:

М. Д. | Црнобело