Како се забавуваат хороскопските знаци? Овните со физички предизвик, Рибите со чаша вино во када

Вашиот хороскопски знак може да открие многу за вас - од вашите најдлабоки желби, романтична судбина, до омилените коктели, пијалаци и исто така, како сакате да се забавувате, односно како изгледа совршената вечер помината со пријателите.

Еве што откриваат ѕвездите за секој хороскопски знак:

Овен

Овните преферираат добар физички предизвик кој ќе им даде шанса да се ослободат од насобраната енергија во текот на работната недела. Па, за нив нема ништо подобро од можноста да уживаат во пијанка некаде надвор каде можат да доживеат и по некоја авантура.

Бик

Пријателите за Биковите можат да кажат дека се тврдоглави, но тие Биковите го преферираат зборот „доверливи“. Тие се верни до крајот на животот и за нив добра забава е онаа која ќе ја поминат со пријателите. Не сакаат да чекаат на ред со часови за да влезат во новото најтренди место, туку преферираат вечерта да ја поминат во пиење на нивното старо, добро познато, омилено место.

Близнаци

Не постои здодевен ден во животот на Близнаците. Близнаците се најсоцијалниот, екстровертен знак кој посебно се фасцинира од приказните и животите на другите луѓе. Имаат способност отворено да зборуваат со непознато лице кое штотуку го запознале, исто како да им е долгогодишен пријател. За нив најдобар тип на забава е оној каде во текот на ноќта ќе запознаат најмалку две три нови личности.

Рак

Верни, емотивни и инуитивни, Раковите се најдобри слушатели. Можеби не сакаат да се отвораат, но затоа пак, секогаш се тука за пријателите кои им требаат, па заради тоа се совршени другари за лесно, мирно пиење по дома. Раковите преферираат да бидат домаќини за мал број на пријатели, за кои ќе зготват нешто домашно и ќе направат по некој коктел.

Лав

Лавот е крал на џунглата и крал на ноќните клубови. Некои би кажале дека се арогантни, но Лавовите се само самоуверени и родени лидери кои мораат да бидат во центарот на вниманието. Токму затоа, тие никогаш нема да се задоволат со тивка мирна ноќ, туку со луда забава некаде каде ќе бидат ВИП.

Девица

Девиците се познати по тоа што преферираат работата да ја ставаат на прво место, но тоа не значи дека не се расположени за коктел, уживање на некое софистицирано место со најблиските пријатели. Ги ценат келнерите кои ги знаат класичните пијалаци и подготвени се да дадат екстра бакшиш на оние кои обрнуваат внимание на малите детали.

Уште 6 хороскопски знаци на следната страна...