Тест на личноста: Кој ви е најголемиот страв, според тоа што цртате на хартија?

Цртеж 1

Вие се плашите да им верувате на луѓето. Најверојатно сте имале некое лошo искуство во минатото поради кое сте почнале да си верувате само себеси и да се потпирате само самите на себе.

За да се ослободите од овој страв престанете да имате очекувања од другите луѓе. Само видете ги такви какви што се, без предрасуди и негативни прогнози.

Цртеж 2

Вие се плашите од осаменост. Многу се врзувате за луѓето  и кога ќе дојде до разидување на вашите патишта сте многу загрижени.

Сте имале ситуации на осаменост, па се плашите од тоа чувство.

Но, запомнете луѓето не се засекогаш и мора да се научите да пуштите и продолжите понатаму.

Цртеж 3

Вие се плашите од мислењата на другите, односно секогаш сте загрижени кој што ќе каже за вашите постапки, зборови и изглед.

Овој внатрешен дијалог ве изморува.

Запомнете дека мислењата на другите се одраз на нивните уверувања, стравови и предрасуди, тие гледаат низ призмата на сопственото искуство и тоа не кажува ништо за вас.

Цртеж 4

Вие се плашите да ризикувате. Ве плаши непознатото и можноста за неуспех.

Повеќе сакате да останете во својата зона на комфорот, каде сè ви е познато и предвидливо.

Но, мора да запомните дека некогаш најголемиот ризик е да не ризикувате и дека ризикот е неопходен за раст и развој. И не плашете се, и неуспесите се дел од животот.

Цртеж 5

Вашиот најголем страв е дека нема да придонесете ништо за овој свет. Често размислувате за својот живот и за тоа што ќе оставите зад себе.

Престанете да се споредувате со другите, запомнете дека секоја личност е единствена и го пронаоѓа својот пат.

Размислете што ви носи среќа и задоволство во животот и фокусирајте се на тоа.

Цртеж 6

Вашиот најголем страв е одново да се вљубите. Најверојатно во минатото бевте многу повредени и сега имате штит пред себе.

Запомнете дека љубовта е ризик и иако е добро што сте свесни колку може да биде деструктивна, во ред е да го отворите срцето, дури и по цена да бидете повредени.

Само така ќе може да пронајдете љубов повторно.

С. С. | Црнобело