Од ненадејни бракови и шега до долготрајни - Славни парови кои се венчаа во Лас Вегас

Детали

сабота, 04 мај 2019

Пред неколку дена, актерката Софи Тарнер и Џо Џонас изненадно се венчаа во Лас Вегас по Billboard наградите, но тие не се единствени кои направиле таква одлука.

Свадбената церемонија во Лас Вегас многумина ја прават од шега или на „пијано“, но неретко се случува и да станува збор за сериозни бракови кои траат до ден-денес.

Верувале или не, и помеѓу славните има парови кои се венчале во Лас Вегас, а последни беа Софи Тарнер и Џо Џонас кои решија изненадно да се венчаат по Billboard наградите на 1-ви мај.

Покрај нив има уште неколку парови помеѓу славните кои се венчале таму – некои од нив беа смешни и бракот им траеше 2 дена, но други уште живеат во среќен брак.

Кои славни парови се венчале во Лас Вегас?

Николас Кејџ и Ерика

Во март 2019, тие се венчале во Лас Вегас и многумина се изненадиле од нивната одлука, а 4 дена подоцна побарале поништување.

Бритни Спирт и Џејсон Александер

Во 2004-та Бритни се венчаше со нејзиниот долгогодишен пријател, но го поништиле бракот по 55 часа, велејќи дека било шега која отишла предалеку.

Анџелина Џоли и Били Боб Торнтон

Тие имаа изненадна венчавка во 2002 година додека тој уште бил во врска со претходната вереница, а нивниот брак траеше 2 години.

Брус Вилис и Деми Мур

По 3-месечна врска, парот се венчаше во Лас Вегас, добија 3 деца и по речиси една деценија брак, се разведоа.

Синди Крафорд и Ричард Гир

Се запознале во 1988-ма кога таа имала 22, а тој 39 години, а во 1991-ва долетале со приватен лет во Вегас и се венчале. Бракот им траеше 4 години.

Џон Бон Џови и Доротеа Харли

Во април 1989, Бон Џови се венчал со неговата љубов од средно училиште за време на еднодневна пауза во Лас Вегас на неговата турнеја. Тие се венчале без прстени, а денес се уште заедно и нивниот брак трае 30 години.

М. М. | Црнобело