Кралското семејство доби нов член – Се породи Меган Маркл

Детали

понеделник, 06 мај 2019

По долго очекување на фановите, кралското семејство доби уште еден член, а принцот Хари и Меган Маркл го добија нивното прво дете. 

Фановите на кралското семејство будно ја следеа бременоста на Меган и со нетрпение го очекуваа нејзиното породување.

Денес попладне, Бакингемската палата официјално потврди дека Меган Маркл отишла на породување заедно со принцот Хари, а сега пристигна официјална информација за раѓањето на кралското бебе.

Војвотката и војводата од Сасекс добија син, а соопштението го објавија на официјалниот профил на Инстаграм. 

Мајката и бебето се во добра состојба, а парот се заблагодарува на јавноста за поддршката во овие посебни моменти.

https://www.instagram.com/p/BxH36irhwcO/

Кралското бебе се роди на 6-ти мај во раните утрински часови и тежи 3.260kg, а повеќе информации се очекуваат во наредните денови.

Во текот на бременоста, Меган Маркл се појави на многу настани и воодушевуваше со нејзиниот труднички стил. 

М. М. | Црнобело