Вереничкиот прстен од 2 милиони долари на Парис Хилтон сега е безвреден...

Детали

вторник, 20 ноември 2018

По драматичното запросување со прстен од 2 милиони долари, следува уште подраматичен период за Парис Хилтон – поништување на веридбата.

Парис Хилтон и Крис Зилка решиле да стават крај на романсата по 2 години врска.

Парот се вери за време на ски патување во јануари 2018-та, но реши да ја одложи венчавката за август идната година, поради набиениот распоред на обврски.

„Парис раскина со Крис пред неколку недели,“ вели изворот за E! News.

„Нивната врска се одвиваше брзо, но таа сфати дека едноставно тој не е вистинскиот за неа. Му посакува сè најдобро и се надева дека може да останат во добри односи.“

Парис во март го изгуби нејзиниот веренични прстен од 2 милиони долари во ноќен клуб во Мајами, но за среќа обезбедувањето успеа да го лоцира.

За жал, овојпат прстенот ќе го изгуби засекогаш.

М. Д. | Црнобело