Настапот на Queen на „Live Aid“ во „Bohemian Rhapsody“ е неверојатно автентичен

Детали

петок, 16 ноември 2018

Филмот „Bohemian Rhapsody“ не престанува да ја воодушевува публиката, а многумина веќе го гледале и по вторпат. Глумата на Реми Малек е врвна и тој успева да влезе во ликот на Фреди Меркјури и маестрално да го одглуми.

Да се пренесе на филмското платно харизмата на Фреди сигурно била тешка задача и за продукцијата, но и за самиот актер. Сепак, пофалбите за тоа како Малек ја одработил својата работа во филмот не престануваат.

Она што и понатаму ги плени гледачите е неверојатната автентичност и вниманието посветено на деталите, како што е настапот на „Live Aid“.

 

Пред воопшто да се снима оваа сцена, Малек ја гледал оригиналната снима од 1985 година над 1000 пати, за да може да ги „улови“ дури и најситните детали.

Младиот актер успеал во тоа, бидејќи ги доловил дури и гестикулациите и изразите на лицето на Фреди за време на настапот.

 

Со успехот што филмот го доживува, се разрешени сите стравови и дилеми дали Малек ќе успее да го одглуми големиот пејач. Тој ја доби улогата откако Саша Барон Коен се повлече од филмот поради „креативни разлики“ уште во 2010-та. Тогаш снимањето беше запрено, но неколку години подоцна продукцијата одлучи да го продолжи проектот до крај.

Е. Д. | Црнобело