Дрога од 13 години, затвор, прерана смрт – трагедиите на децата на ѕвездите

Детали

петок, 12 октомври 2018

Синот на Мајкл Даглас станал зависник од дрога уште на 13-годишна возраст, синот на Жерар Депардје страдал од алкохолизам и почина на 37 години.

Судбината им дала можност да бидат успешни и познати, но некоја мрачна сила ги одвела нивните животи во поинаква насока.

Трагедиите на децата на ѕвездите:

Камерон Даглас

Синот на Мајкл Даглас, Камерон Даглас, станал зависник од дрога уште на 13-годишна возраст. Тој има глумено само во еден филм со неговите татко и дедо.

Во 2010 Камерон бил осуден на 5 години затвор за поседување и продажба на дрога, а една година подоцна доби уште 4.5 години за користење на дрога во затвор. Инаку, поради гласини дека Камерон прифатил да биде поткажувач на полицијата, другите затвореници не го сакале и еднаш бил претепан со скршеници по телото.

Гијом Депардје

Најстариот син на актерот Жерар Депардје отсекогаш му создавал главоболки на татка си. Тој во некои аспекти водел живот сличен како неговиот татко. Страдал од алкохолизам и бил затворан повеќе пати.

Гијом бил и дијабетичар, но починал од вирус кој му предизвикал смртоносно воспаление на белите дробови во 2008 година на само 37-годишна возраст.

Сејџ Сталоне

Најстариот син на актерот Силвестер Сталоне почина во 2012 година. Гласините беа дека починал од предозирање со дрога, но неговите блиски тврдеа дека смртта е предизвикана од срцев удар.

Џет Траволта

Синот на актерите Џон Траволта и Кели Престон страдал од епилепсија и за време на еден напад во 2011 година удрил со главата во кадата во тоалетот и починал на 16-годишна возраст.

Инаку, Траволта откри дека на 2-годишна возраст Џет за малку ќе починел, но го спасиле докторите, кои му ја дијагностицирале сериозната автоимуна болест Кавасаки синдром. По смртта на синот, Траволта отворено говореше дека нема ништо поболно во животот од губењето на дете.

С. С. | Црнобело