Славни парови кои не сакаат деца

Детали

сабота, 29 септември 2018

Мнозинството луѓе имаат желба да се остварат во улогата на родители. Од друга страна, постојат и такви кои поради лични, или, пак, професионални мотиви, сепак се решаваат за живот без поколение. Ниту ѕвездите не се исклучок.

Ова се славните парови кои не сакаат деца:

Кристина Хендрикс и Џефри Аренд

Ѕвездата на серијата „Mad Men“, Кристина Хендрикс, предизвика расправа во 2014 година, кога во интервјуто за магазинот Health, откри дека таа и нејзиниот сопруг Џефри Аренд не сакаат деца.

„Одлучивме дека не сме заинтересирани да станеме родители. Имаме куче и тоа е мојата идеја за основање семејство. Луѓето велат дека е ова ни е како вежба за родителство. Јас, пак, мислам дека е само вежба за уште едно кученце.“

Заедно се единаесет години во брак, а мислењето не им се промени во меѓувреме.

„Мноштво луѓе ми приоѓаат и ми се заблагодаруваат, бидејќи јавно го кажав својот став. Си помислив колку е тажно што не смее јасно и гласно да се искажеме. Не разбирам во што е проблемот. Постојат луѓе кои имаат деца и оние кои ги немаат. Ние сме едни од овие што немаат.“

Опра Винфри и Стедман Греам

Претходниот пар не е единствената славна двојка што донесе ваква одлука. Американската водителка Опра Винфри и нејзиниот животен сопатник Стедман Грахам, никогаш не криеле дека не сакаат да имаат деца.

Наспроти коментарите од околината, моќната дама остана доследна на личниот став.

„Мислам дека не би билa добра мајка. Немам трпение. Луѓето ми вршеа притисок, говорејќи ми дека мора да се омажам и да родам дете. Меѓутоа, јас знаев дека сум тип на личност која нема да зажали поради тоа што немала деца.“

Џеј Лено и Мејвис Николсон

Легендарниот американски водител Џеј Лено и неговата сопруга Мејвис Николсон се 38 години во брак. Штом се запознале, тие лудо се вљубиле еден во друг, но од самиот почеток знаеле дека не сакаат деца. Ѕвездата од телевизиските екрани ја навести причината во кратки црти.

„Работам во светот на шоу бизнисот. Тоа е себична професија.“

Понежната половина, пак, отсекогаш знаела дека децата не се дел од нејзината иднина:

„Се сеќавам дека како осумгодишно девојче, на мајка ми ѝ велев дека нема да се омажам, ниту да имам деца. Гледав прекрасни млади жени, кои беа илјадапати попаметни од своите мажи. И, тие исти мажи го поминуваа времето, говорејќи дека жените им се напорни, па размислуваат како би можеле да побегнат од нив. А, во суштина, јасно беше дека жените беа тие кои се заробени.“

Елен Деџенерис и Порша де Роси

Водителката Елен Деџенерис и глумицата Порша де Роси се во брак од 2008 година.

Нивната одлука да немаат деца, комичарката ја образложи во една прилика, со препознатливиот хумористички стил.

„После четири години во врска, разговаравме и за таа можност. Одлучивме дека ни се допаѓа тоа што никој не ги прекинува нашите муабети и што мебелот не ни е извалкан.“

Рики Џервејс и Џејн Фелон

Меѓу паровите кои одбраа живот без поколение, исто така спаѓаат комичарот Рики Џервејс и писателката Џејн Фелон. Заедно се 25 години, а тој се пошегува дека не сакаат деца, затоа што се себични.

„Од првиот ден е само јас, јас и јас!“

Партнерката, пак, повеќе се осврна на нивната непоколебливост.

„Се сеќавам дека размислував, што би се случило, кога Рики би го променил мислењето. Јас бев сигурна во својата одлука и никогаш не ни помислував за алтернатива. Испадна дека и тој истото се прашувал за мене. На крајот ни олесна и на двајцата.“

М. А. | Црнобело