3 славни парови кои долги години биле пријатели пред да се заљубат

Детали

среда, 26 септември 2018

Тие ја немале среќата да се заљубат на прв поглед, туку прво добро се запознале, па потоа преминале на следно ниво.

Нивните приказни се доказ дека не секогаш е прав момент за вистинската љубов и дека некогаш, таа мора да почека.

Ким Кардашијан и Канје Вест

Се запознале во 2004-та година на забава, кога Канје се пробивал во музичкиот свет, а Ким беше на почетокот на животот како јавна личност.

Долго време биле во контакт, и покрај бурната романса на Канје со Амбер Роуз и повеќето краткотрајни врски на Ким, како и нејзиниот брак од 72 дена.

Процесот за развод на Ким беше завршен летото 2013-та, кога Ким веќе беше бремена со Норт Вест.

Една година подоцна, Ким и Канје се венчаа во Фиренца.

Мила Кунис и Ештон Кучер

Актерите беа и колеги кога Мила имаше само 14 години, а Ештон 19. Тогаш глумеа пар во серијата, но во приватниот живот биле само пријатели, со оглед на возраста на Мила.

Првиот бакнеж на Мила Кунис се случил токму за време на снимањето со Ештон.

Од 1998-ма година до 2006-та останале во контакт, но не се дружеле приватно. Мила беше 8 години во врска со Меколи Калкин, додека Ештон беше во еден од поконтроверзните бракови во Холивуд, со Деми Мур.

Иако пред јавноста се претставуваа само како пријатели, во 2014-та година добија ќеркичка, а во 2015-та го кажаа судбоносното да.

Хавиер Бардем и Пенелопе Круз

Актерите се запознале на снимање на филм во 1991 година. Тогаш Пенелопе имала 17 години, а Хавиер 22 години. Тоа бил почетокот на едно прекрасно пријателство кое ги преживеало сите љубовни авантури на двајцата.

Пенелопе имаше многубројни љубовни романси со холивудски мажи, додека Хавиер имаше 10-годишна љубовна врска.

Работата повторно ги спои во 2008-ма година. Играјќи комплексни улоги, старите колеги и пријатели попатно се заљубиле.

Во 2010-та година тајно се венчале на приватна забава на Бахамите, а во 2011-та година го добија првото дете, синчето Лео, а две години подоцна и ќеркичката Луна.

М. Д. | Црнобело