Бијонсе ги родила близнаците со ризичен царски рез, а по неверството од Џеј Зи се чувствувала посекси

Детали

вторник, 07 август 2018

36-годишната Бијонсе е позната по тоа што е исклучително заштитнички настроена кон својата приватност и своето семејство, но овојпат за Вог направи исклучок.

По цели 4 години, Бијонсе се отвори за породувањето со близнаците, бракот и неверствата во интервјуто проследено со колоритни фотки.

На светот му откри дека претрпела хипертензија предизвикана од бременоста, која ненадејно го подула нејзиното тело и ја довело до цели 99 килограми тежина. Близнаците ги родила со итен, но ризичен царски рез, кој можел да биде погубен по нејзиниот и животот на Руми и Сер.

„Бев потечена и морав да одморам еден месец по породувањето. Моето здравје и здравјето на моите бебиња беше во опасност, морав да се согласам на царски рез.

Поминавме неколку недели на интензивна нега. Сопругот беше вистински борец и огромна поддршка за мене.

Горда сум што сум сведок на неговата сила и еволуција како маж, најдобар пријател и татко. Бев во период кога преживував, а тоа го сфатив неколку месеци подоцна.

По 6 месеци почнав да се подготвувам за Коачела. Привремено станав веган, се откажав од кафе, алкохол и овошни пијалаци. Но, бев трпелива и уживав во моите облини. Моите деца и мојот сопруг исто така.“

Нешто подоцна во интервјуто, без директно да нагласи дека зборува за нејзиниот брак, вели дека скршеното срце и предавството се сега зад неа.

„Постојат многу нијанси во секое патување. Ништо не е црно или бело. Сум поминала низ пекол и сум се вратила, и сум благодарна за секоја една лузна.

Сега се чувствувам многу поубава, посекси и многу поинтересна. Секако, и многу помоќна.“

Овие исповеди ги заокружи со фантастична фотосесија:

• 
• 
• 
• 
• 
• 
• 
• 
• 
• 
•  

М. Д. | Црнобело