Кои принцови сè уште се сингл?

Детали

среда, 01 август 2018

Можеби принцовите Вилијам и Хари веќе се во брак и создаваат свои семејства, но добра вест е што во светот постојат уште принцови по кои девојките може да воздивнуваат.

Меѓу нив има и такви кои не се популарни, како што е принцот Себастијан од Луксембург, но и вистински претставници на сината крв, како што се шеикот од Дубаи или султанот од Брунеи.

Па, запознајте некои од нив:

Принцот од Луксембург

Принцот Себастијан има 27 години и е најмлад син на војводата Хенри. Тој е шести по ред во линијата за наследство на луксембуршкиот престол.

Освен што има студирано воена академија, како и сите негови браќа и машки предци, тој има и диплома по маркетинг и комуникации, стекната на Колеџот во Охајо.

Тој тренира рагби, а играл и во националниот тим. Сака спортување, особено скијање, пливање и искачување по планини.

Принцот од Јордан

Хусеин Бин Абдула е најстариот син на јорданскиот крал и е прв во линијата за наследство на престолот. Има само 23 години, но и диплома по меѓународна историја, како и од Кралската воена академија на Велика Британија.

Тој на своја 20-годишна возраст претседавал со седница на Советот за безбедност на Обединетите нации. Обожава да поминува време со помладите браќа и сестри, но и да спортува.

Принцот од Белгија

Овој млад престолонаследник го крие приватниот живот од јавноста, па затоа за него се знаат малку детали. Принцот Јоаким има 26 години и е 9-ти по ред во линијата за наследство на престолот.

Тој студирал меѓународна економија, менаџмент и финансии на Универзитетот во Милано, а потоа завршил и поморска школа, по што станал офицер во белгиската морнарица.

Шеикот од Дубаи

Хамдан бин Мохамед бин Рашид Ал Мактум е втор од вкупно 12 деца на шеикот Мохамед и неговата сопруга Хинд. Во 2008 бил прогласен за наследник и оттогаш тој редовно ги извршува своите кралски протоколарни должности.

Меѓу другото, тој е и навистина влијателен корисник на Инстаграм и има над шест милиони следбеници. Исто така, под псевдонимот Фаза пишува и објавува поезија.

Има 35 години и студирал јавна политика и економија. Сака животни, велосипедизам, нуркање и да лета со падобран.

Принцот од Брунеи

Абдул Матин е десетто дете на султанот Хасанал Болкиа, од неговата поранешна втора жена. Тој е и четврти син на султанот и шести по ред за наследство на тронот.

Студирал меѓународна политика и дипломатија во Лондон, а потоа на престижната Кралска воена академија. Има дозвола за управување со хеликоптер, обожава јавање со коњи, а е голем љубител на диви мачки.

Всушност, тој во својот дом чува тигри, леопарди, пантери и други диви мачки кои му се миленичиња.

Е. Д. | Црнобело