Неодоливиот Чак Бас од „Gossip Girl“ денес е уште поголем заводник (фото)

Детали

среда, 23 август 2017

Можеби и вие сте еден од фановите на „Gossip Girl“, кој не престанува да сонува дека ликовите еден ден повторно ќе се соберат и ќе добиеме продолжение на серијата која го освои светот.

Чак Бас, односно актерот Ед Вествик, е човекот кој ги маѓепса девојките во серијата „Gossip Girl“ (2007-2012).

Манипулативното лошо момче се претвори во вистински романтичен херој во текот на оваа хит серија и остави печат со својот беспрекорен стил.

Тој правеше да ѝ се затресат колената на секоја девојка во Њујорк само со изјавата: „Јас сум Чак Бас“.

Англискиот актер и музичар е роден во 1987 година. Глумел во повеќе филмови меѓу кои „Children of Men“, „Son of Rambow“, „Chalet Girl“, „Romeo and Juliet“, „Bone in the Throat“, „Freaks of Nature“, „Billionaire Ransom“ итн.

Моментално лондонското златно момче е актуелно со улогата на Винсент Сван во серијата „White Gold“. Шармот на Ед одлично послужи во неговата улога на продавач во 1980-тите во Англија.

Ликот овојпат не му е толку богат како Чак Бас, ниту стилот не му е толку добар, но одлично е повторно да го видиме Вествик во ТВ серија.

„White Gold“ ќе има и втора сезона, која ќе биде пуштена во 2018-та година.

Инаку Ед периодов е среќно вљубен во една прекрасна бринета. Актерот постојано прикачува фотографии со неа на социјалните мрежи, а веќе започнаа и да се појавуваат заедно на различни манифестации.

Станува збор за Џесика, модел, актерка и Инстаграм ѕвезда. Родена е во 1991 година и е мајка на 8-годишно момче, Роман, кој го родила кога имала 17 години. Бракот со таткото на Роман не успеа.

Еве дел од најновите фотки на Ед на Инстаграм:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело