Денот кога Кристијано Роналдо доби статуа што не личи на ништо... (фото)

Детали

среда, 29 март 2017

Аеродромот на Мадеира, родното место на фудбалската ѕвезда Кристијано Роналдо, доби ново име, „Aeroporto Cristiano Ronaldo“, во негова чест и бронзена статуа која ги пречекува сите кои доаѓаат на аеродромот, ама воопшто не личи на него.

Но, овој настан не беше пречекан од локалното население со насмевка и ракоплескање.

Многумина сметаат дека обележје како еден аеродром не треба да биде именувано по спортист, без разлика на тоа колку истиот е познат и обожаван.

Кристијано, кој заедно со неговата мајка, Марија, новата девојка, Родригез, и синот, пристигна со насмевка и гордост за овој настан, изјави дека, „не е хипокрит“, ниту пак „дека барал од некого аеродром да биде именуван во негова чест“.

„Ви благодарам што сте тука во моја чест. Тоа што го гледам моето име на овој аеродром е голема чест за мене. Не го барав ова, ама не сум хипокрит и заради тоа, почестен сум и среќен. Знам дека некои луѓе не се среќни со оваа одлука, ама ќе се обидам да ја оправдам“.

• 
• 
• 
• 
• 
• 
• 
• 
• 
• 
• 
•  

Н. Г. | Црнобело