Започнува со емитување најновата македонска серија „Бистра Вода“

Детали

понеделник, 27 февруари 2023

Доаѓа „Бистра Вода“. Чест ни е да ве информираме дека на 1-ви март 2023, среда, со почеток во 20:00 во Синеплекс ќе се одржи светската премиера на првата епизода од најновата македонска серија.

Премиерата на првата епизода е увертира во телевизиската премиера во недела на 5-ти март на ТВ Алфа, како и на промовирањето на првите 5 епизоди на платформата Кинемое.

Заинтересираните за посета на премиерното прикажување на првата епизода може да обезбедат место обраќајќи се на Фејсбук страницата на Бистра Вода.

Сценарист и режисер на серијалот е Јани Бојаџи. Актерската екипа ја сочинуваат над 70 актери од Македонија, меѓу кои Мони Дамевски, Јелена Жугиќ, Дејан Лилиќ, Зоран Љутков, Роберт Вељановски, Васил Зафирчев, Горан Стојановски, Владо Јовановски, Маја Љутков, Мето Јовановски, Јана Вељановска, Ирена Илиевска, Славица Манаскова, Рубенс Муратовски, Григор Јовановски и многу други.

Официјален трејлер:

/

ТВ трејлер:

/