Лоба за новата колекција на DUKI DASO: „Квалитетна чанта е модно парче кое го заслужува секоја девојка и жена“

Детали

четврток, 23 септември 2021

Инспирирани од македонската природна убавина во Галичник македонската компанија DUKI DASO ја претставува новата колекција на женски чанти и модни додатоци за сезоната есен/зима 2021-2022 година.

Колекцијата е во тренди бои кои ќе ја означат сезонава, а како бренд амбасадор се појавува пејачката Викторија Лоба. Фото сесијата е продуцирана од фотографите Ани и Дими.

- DUKI DASO го следи модниот тренд во светот и со задоволство сум нивен бренд амбасадор а со тоа ќе ги промовирам нивните чанти и модни додатоци. Навистина секое нивно модно парче за мене е значајно затоа што пред се е квалитетно а истовремено и практично, така што ги препорачувам на сите девојки и жени, вели амбасадорката Лоба.

Брендот DUKI DASO континуирано ги препознава потребите на жените и ги исполнува нивните желби преку дизајн на уникатни производи.

- Спој на дизајн и квалитет со една цел а тоа е задоволување на потребите на потрошувачите, успеавме да создадеме нова колекција на препознатливи производи кои се вистинска љубов на секоја жена. Главен приоритет на DUKI DASO е задоволството на крајниот потрошувач, преку континуирано инвестирање во опрема за производство на чанти кои се нудат со највисок квалитет и сигурност во нивното експлоатирање. ,,Секогаш нешто ново“ е мотото според кое се водиме ние тимот на DUKI DASO, велат од компанијата.

Темел на успехот на македонската компанија е долгорочната политика на вложување во развој и производството. Тие имаат свој производствен погон на производство во кој работат над 150 вработени. Во моментов DUKI DASO имаат 50 специјализирани продавници во Македонија.Присутни се во Србија, Албанија, Бугарија, Грција, Косово, Црна Гора, Босна, Хрватска, Кипар, Словачка а наскоро и во други земји низ Европа.