Истанбул ја обедини регионалната бизнис елита до 40 години

Детали

четврток, 23 септември 2021

Во свечена атмосфера во луксузниот Swissotel The Boshphorus во Истанбул, Business Elite Awards ја организираше церемонијата за доделување награди за најамбициозните и најуспешни млади претприемачи и менаџери под 40 години.

Присутните имаа чест да им се обрати Претседателот на советодавниот одбор, г-нот Дамјан Даскалоски во кое истакна:

„Со нетрпение чекав да ви го кажам ова: ЧЕСТИТКИ! Од денес сите ние сме пријатели и колку повеќе заеднички дејствуваме како дел од ова елитно бизнис окружување, толку поуспешни и посреќни ќе бидеме во иднина. Во САД имаме советодавно тело (Advisory Board), кое и покрај потешкотиите предизвикани од пандемијата, најде начин да ги разгледа сите доставени номинации и среќен сум што конечно сум со вас.

Заедно со останатите членови на бордот, Khaled Mustafa, Stojanche Vanev, Lenin Herrera и Michael Sema, и регионалниот директор д-р Виктор Ѓорѓиески го направивме ова за да дадеме придонес во процесот на имплементирањето на западните вредности и во нашиот дел од светот.

Нашите заложби не застануваат тука. Вие кои станавте и членови на ексклузивниот “Executive Club” во иднина ќе можете и да се приклучите и на платформата за менторство која ја развививаме во моментот, а преку неа ќе имате пристап до програмите преку кои ќе можете да размените знаење и искуства во областите од интерес, но исто така и да нудите сопствени менторски услуги на останатите членови на клубот од областа во која сте самите експерти. На крај, се радувам што ја чувствувам уникатната енергија која ме уверува дека – заедно, ќе успееме да создадеме еден поуспешен свет!“

По завршувањето на церемонијата, следеше и гала вечера организирана ексклузивно за добитниците на престижните признанија Business Elite’s “40 Under 40” кои се воедно и членови на “Executive Club”. Добредојде во клубот на новите членови им посака г-нот Христо Кондовски, кој е член на овој елитен бизнис клуб од 2019 година. Покрај тоа, за време на гала вечерата беше промовирана и новата Android/IOS мобилна апликација. Она што е најзначајно да се потенцира дека, организаторите, и покрај сите потешкотии предизвикани од глобалната пандемија, успеја да ја соберат на едно место бизнис елитата од целиот регион и успешно да одговорат на предизвикот кој со себе го носи лидерското место на пазарот во оваа категорија.  

Како што е веќе добро познато, ексклузивната “40 Under 40” награда претставува едно од најпопуларните и најпрестижните признанија во светот за младите бизнис лидери, оние до 40 години. Со стекнувањето на ова признание, покрај тоа што е препозната амбициозноста кај младите претприемачи и менаџери, се дава и допонителен стимул за продолжување на посветеноста и пожртвуваноста, со што би била загарантирана нивната блескава кариера и огромните успеси во светот на бизнисот во иднина. Секако, тоа е и дополнително потпомогнато со нивното членсто во екслузивниот Business Elite’s “Executive Club”, каде и официјално се приклучуваат на светската бизнис елита како дел од мрежата на најуспешни и најамбициозни млади бизнис лидери од светот.

Помеѓу присутните во Истанбул се најдоа и следните македонски претпримачи/менаџери: Бесник Исаки (БЕ-ДА Логистикс), Бранко Стојкоски (НЛБ Банка), Олгица Стојимировиќ (Промоиталиа), Стефан Николиќ (Cammeo), Олга Јосевска (ЛПП), Филип Димитровски (ТИГО), Валентина Динова (Хелен Дорон), Радован Витошевиќ (myWorld), Никола Мариновски (Кули) и Вилма Учета Дузлевска (Триглав).

Номинациите за “40 Under 40” наградите за 2022 година ќе бидат отворени во ферувари следната година.

ВИДЕО – ЦЕРЕМОНИЈА ЗА ДОДЕЛУВАЊЕ НАГРАДИ И ГАЛА ВЕЧЕРА

ГАЛЕРИЈА – ЦЕРЕМОНИЈА ЗА ДОДЕЛУВАЊЕ НА НАГРАДИ

ГАЛЕРИЈА – ГАЛА ВЕЧЕРА И ВМРЕЖУВАЊЕ