Млекото и здравјето - хранливи материи кои ги зајакнуваат коските

Детали

понеделник, 20 септември 2021

Млечните производи се голем и најраспространет извор на калциум од каде и произлегува врската помеѓу млекото и калциумот од млекото во контекст на зајакнување на коските.

Но, калциумот од млекото е ефикасен од повеќе аспекти, бидејќи се наоѓа во комбинација со други важни хранливи материи, кои помагаат во неговата апсорпција, пред се витамин Д. Освен калциум, млекото содржи калиум и фосфор, како и витамин К2, и сите овие хранливи материи играат исклучително важна улога во одржувањето на цврстината на коските.

Во нашето тело, 99% од калциумот се чува во коските и забите, така што здравјето на овие делови од телото е директно поврзано со количината на калциум што ја имаме во организмот. Калциумот не само што влијае на здравјето на коските, туку учествува и во преносот на срцевите импулси. Но, не само калциумот е одговорен за здравјето и цврстината на коските, односно 50% од волуменот на коските, како и ⅓ од вкупната коскена маса се протеини. Така, консумирањето на овој хранлив пијалак е една од основите за здрави и цврсти коски.

Освен основниот богат и хранлив состав на млекото, има млека со витамини како што е Битолско млеко со 10 витамини, збогатено со Д3 и уште 9 други неопходни витамини што го прави уште похранливо и покорисно за здрав организам.  Витаминот Д3 е важен за да го апсорбира калциумот, а доколку организмот нема дополнителен извор на калциум, го црпи од складираните количини во коските, што ја ослабува постојната коска и спречува формирање на силни, нови коски.

Покрај овие клучни функции, млекото збогатено со витамини влијае и врз одржување здрави црвени крвни клетки и нервното ткиво со помош на витаминот Б12, одржување на здрав имунолошкиот систем преку Б6, одржување на нормалниот вид и здрава кожа преку витаминот А, претворање на храната во енергија со помош на витаминот Б2. Витаминот Б5 помага за  регенерација на телото и надминување на заморот, а Б3 дава енергија и сила за сите предизвици кои ги носи денот.

Млекото, исто така, влијае и на намалување на крвниот притисок што посредно може да го намали ризикот од срцеви заболувања. Комбинацијата на калциум, калиум и магнезиум кои се наоѓаат во млекото е одговорна за овој ефект. Друга состојка а исто така застапена во млекото а за која се верува дека влијае на ова е казеин.