Успехот во средното образование е шанса за добивање стипендија на МБУ

Детали

понеделник, 06 септември 2021

Сите заинтересирани идни студенти, кои завршиле средно образование и истите се од Северна Македонија, Албанија, Босна и Херцеговина, Косово, Црна Гора или Србија, сé уште можат да аплицираат за стипендии на Меѓународниот балкански универзитет (МБУ) со што се здобиваат со шанса своето образование да го продолжат на универзитетот којшто, според Шангајската листа, е прогласен за најдобар универзитет во областа на наставата и учењето, а според податоците од Државниот завод за статистика за академската 2020/2021 година, е најголем приватен универзитет во земјата, односно има најмногу студенти во споредба со другите приватни универзитети во државата.

Програмата за стипендирање на идните студенти која се базира на успехот остварен во средното образование, а која почна да се применува од минатата година, овозможува средношколците да добијат стипендија во висина од 50% до 100% од школарината во текот на нивните студии.

Меѓународниот балкански универзитет овозможува целосна стипендија за оние ученици кои се прогласени за првенци или најдобри во генерацијата. Стипендија од 80% и трошоци од 200 евра по семестар се предвидени за учениците со среден успех 5.00. Средношколците со остварен успех од 4.50 до 4.99 можат да аплицираат за стипендија од 70%, со предвидени трошоци од 400 евра по семестар, а 50% стипендија и плаќање школарина од 500 евра по семестар е овозможена за матурантите кои своето целокупно школување во средното образование го завршиле со среден успех од 3.00 до 3.99.

Овој начин на стипендирање од страна на МБУ е одлична можност идните студенти да стекнуваат знаење на некој од седумте факултети со 18 научни и образовни области како компјутерско инженерство, архитектура, психологија, банкарство и финансии, графички дизајн, односи со јавност и маркетинг комуникации, јазици и други.

Идните студенти ќе имаат можност да следат современи студиски програми на англиски јазик, во кампус од светска класа, но исто така, со оглед на меѓународното образовно опкружување со студенти од над 15 земји, да стекнат вистински пријателства со студенти од регионов, кои траат доживотно.

Во изминатите 15 години постоење на МБУ преку Програмата за стипендии, со стипендии се поддржани повеќе од 1500 студенти.

Сите заинтересирани кои сакаат да студираат на најдобриот приватен универзитет во земјава, можат да аплицираат онлајн до 30 септември ТУКА.