Дали знаевте дека најдобриот македонски приватен универзитет нуди стипендии за сите средношколци?

Детали

понеделник, 30 август 2021

Секој ученик кој ќе го заврши средното образование се соочува со предизвикот - што понатаму? Дали да продолжам со високо образование? На кој факултет да се запишам? Кој факултет е најдобар избор за мојот професионален развој? Дали во државна или приватна образовна институција? Какви услови нудат? Ова се само дел од прашањата кои сите средношколци си ги поставуваат по нивното матурирање.

Со продолжувањето на образованието го одредуваме патот на развојот на својата професионална кариера. Оттука, особено е важно да ги знаеме можностите кои ги нуди македонскиот образовен систем.

Меѓународниот балкански универзитет (МБУ), како најдобар македонски приватен универзитет во областа на наставата и учењето според Шангајската листа, и кој според податоците на Државниот завод за статистика за академската 2020/2021 година, е најголем приватен универзитет во земјата, односно има најмногу студенти во споредба со другите приватни универзитети во државата, на средношколците им овозможува да аплицираат за добивање стипендија од 50 до 100% од школарината зависно од нивниот остварен успех во средното образование.

Средношколците кои се прогласени за најдобри во својата генерација, Меѓународниот балкански универзитет им овозможува целосна стипендија при упис на овој факултет. За матурантите со среден успех 5.00 следува 80% стипендија, со трошоци во износ од 200 евра по семестар. 70% стипендија е предвидена за средношколците со остварен успех од 4.50 до 4.99, со трошоци од 400 евра по семестар. За средношколците кои оствариле среден успех од 3.00 до 3.99, МБУ им нуди стипендија во висина од 50% и плаќање школарина од 500 евра по семестар.

За овој тип на стипендии можат да аплицираат студентите од Северна Македонија, Албанија, Босна и Херцеговина, Косово, Црна Гора и Србија. Меѓународниот балкански универзитет располага со 7 факултети и 18 програми за додипломски студии во областите на компјутерско инженерство, архитектура, психологија, банкарство и финансии, графички дизајн, односи со јавност и маркетинг комуникации, јазици и други.

Идните студенти, наставата ќе ја изучуваат на англиски јазик и во мултикултурна средина во кампус од светска класа во Скопје. Овој приватен факултет е препознаен по кадарот со кој располага од врвни професори во својата област, со единствена цел да ги едуцираат и оформуваат студентите да бидат подобри личности и подготвени за пазарот на труд.

Аплицирањето за стипендии е во тек и ќе трае до 30 септември, односно до пополнување на предвидените квоти за студенти. Сите заинтересирани идни студенти можат да аплицираат онлајн ТУКА