Халкбанк и годинава со поддршка на фестивалот на отворено When in Krusevо 2021

Детали

понеделник, 09 август 2021

Фестивалот When in Krusevо кој викендов по петти пат се одржа во Крушево, повторно понуди богата рекреативна и забавна програма, што придонесе градот да биде преполн со посетители од целата држава кои уживаа во чистиот воздух, ѕвездените ноќи, свежите утра и многу авантури за време престојот во Крушево.

И годинава спонзор на When in Krusevо беше Халкбанк АД Скопје која е силен промотор и поддржувач на активности кои придонесуваат за негување здрави животни навики и заштита на природата.

Фестивалот на отворено кој се одржуваше насекаде низ Крушево и неговата околина вклучуваше бројни активности на отворено како, планинарење, трчање, велосипедизам, адреналински параглајдинг погледи, кајак и SUV, незаборавни јавања на коњи низ крушевската природа, забавни и други настани.

When in Krusevo беше збогатен и со многубројни концерти на отворено и размена на многу позитивна енергија. Halkbank во рамките на поддршката на фестивалот донираше и 10 корпи за селекција на отпадоци кои беа поставени околу Крушевското езеро и кои, не само што придонесаа по многубројните настани околината да остане почиста, туку и во иднина ќе придонесуваат за преубавото Крушево да биде без отпадоци.