Мултимедијална изложба на познати домашни автори - Белегот на времето

Детали

среда, 28 јули 2021

Како дел од фестивалот „Блесок“ во организација на KLS EVENTS, компанија која повеќе од 25 години се занимава со организација на секаков вид настани, од 26-ти до 29-ти јули 2021 година, во просториите на НУ Галеријата „Мала станица“ ќе се одржи несекојдневен настан на коj ќе се прикажат ликовни дела – слики и дигитално проектирани графички дизајни, фотографии од инсталации и аудио-визуелни уметнички дела, творени низ годините од повеќе домашни признати како и млади ликовни автори.

Публиката ќе може да види дела од:

• Петар Мазев (1927-1993)
• Костадин Танчев – Динка
• Решат Ахмети, академски сликар
• Ладислав Цветковски
• Гоце Наневски
• Бисера Михајловска
• Адем Салиу
• Елена Поповска
• Ана Стојановска
• Клелија Живковиќ

Посетителите ќе може да ја погледнат изложбата до 29 јули, во периодот од 18:00 до 22:00ч во просториите на Мала станица.

Изложбата e дел од  мултимедијалниот фестивал БЛЕСОК, кој се состои од три различни културни настани: „Мултимедијална изложба на познати домашни автори - Белегот на времето“ од 26 до 29 јули во Галерија Мала станица,  „Кино-Ан“ - проекција на домашни филмови и музика под отворено небо од 6 до 8 август во Куршумли ан и 3Д мапинг проекција со елементи од националното културно творештво и обележја, од 4 до 6 септември 2021.

Проектот е поддржан од Генералниот секретаријат на Владата за промоција на настани, луѓе, места и творби кои ја одбележуваат 30-годишнината од независноста.