Еко акција на скопските бадникари

Детали

понеделник, 28 јуни 2021

Викендов во месноста Краста во општина Сопиште се изврши чистење на отпад на местото каде што бадникарите секоја година ги извршуваат своите активности и го берат бадникот.

Исчистена беше површина од околу 5000м2, а отпадот беше селектиран на пластичен, стаклен, конзерва итн. Истиот беше положен во специјални контејнери за таа намена.

Исто така бадникарите поставија рустикален билборд со порака за заштита на животната средина на патот кон езерото Козјак.

Да ја заштитиме природата.  Пораките кои Бадникарите ги испишаа и ги поставија на паното во месноста Краста се надеваме дека ќе наидат на разбирање кај љубителите на природата и отпадот нема да го фрлаат туку ќе си го понесат со себе и ќе го остават во соодветните контејнери за рециклирање на истото, како што направивме ние денес.