Извлечени првите добитници од големата наградна игра на Супер Кит-Го, Кит-Го и Тера Маркети

Детали

петок, 04 јуни 2021

(Штип, 04.06.2021) – Извлечени се првите добитници на наградната игра „Во Супер КИТ-ГО, КИТ-ГО и ТЕРА сметки прави и Шкода Фабиа ќари!”. Доделен е првиот од трите автомобили Шкода Фабиа, како и 3 инвертер клима уреди, 3 телевизори, 3 лаптопи, 3 таблети, 3 велосипеди и 30 вредносни ваучери од 3.000 денари.

Наградната игра продолжува и понатаму со уште два циклуса извлекување. Следното извлекување ќе биде на 14ти јули, кога ќе биде доделен вториот автомобил и третото на 25ти август. Сите три извлекувања имаат ист награден фонд, а неизвлечените летоци од првото извлекување ќе бидат вклучени во второто, и следствено од првите две извлекувања ќе бидат дел од третото.

Наградната игра е создадена да биде едноставна за секој да може да учествува и да добие можност за некоја од бројните вредни награди. За учество потребно е да се соберат 3 купони, а еден купон се добива со секоја сметка од минимум 500 денари направена во кој било од маркетите што се дел од наградната игра. Купоните треба да се залепат на летокот што се добива на каса во некој од маркетите Супер КИТ-ГО, КИТ-ГО и ТЕРА. Пополнетиот леток со 3 купони и со личните податоци, се остава во означените кутии во некој од маркетите. Бројот на испратени летоци не е ограничен.

Секое извлекување се емитува јавно на национална телевизија. Повеќе информации за наградната игра се достапни на линкот.