Инвестицискиот циклус на „Макпетрол“ АД продолжува, реновирана и модернизирана бензинската станица во Виница

Детали

петок, 28 мај 2021

„Макпетрол“ АД Скопје ја пушти во употреба, втората по ред во овој месец, реконструирана бензинска станица. Овој пат станува збор за бензинската станица на Макпетрол во Виница, преку која се снабдуваат со горива голем број на потрошувачи од овој град и околината.

Како компанија која се гордее со квалитетот на своите горива и услуги, посветеноста кон инвестирање во своите капацитети е логичен чекор. Следејќи ја побарувачка на сопствените производи и услуги, Макпетрол на овој начин им се заблагодарува на своите потрошувачи преку создавање модерни услови на своите бензински станици.

Преку реализација на оваа инвестиција во висина од околу 105 милиони денари, бензинската станица во Виница ќе ги услужува своите потрошувачи во современ објект кој ги следи светските стандарди за функционалност, квалитет и безбедност. Производите и услугите на оваа бензинска станица се достапни во текот на 24 часа, секој ден во неделата.

Како и во останатите бензински станици на Макпетрол, така и во оваа, достапни се квалитетните горива од ULTRA фамилијата, вклучувајќи го и течниот нафтен гас за возила, а во продажниот објект на бензинската станица на потрошувачите им стои на располагање широк избор на производи од дополнителниот асортиман.