Донација од срце - Mozzart обезбеди ЕКГ апарати за болницата во Битола

Детали

петок, 14 мај 2021

Според директорката на битолската клиничка болница, д-р Билјана Гагачовска, Mozzart е пример за општествено одговорна компанија која секогаш покажува интерес да помогне во здравството, а оваа донација на ЕКГ апарати е од голема значајност, бидејќи дотраените апарати во КОВИД центарот ќе бидат заменети со нови.

Демонстирајќи општествена одговорност и несебична поддршка за здравствените установи во државата, Mozzart уште еднаш ја потврди својата солидарност, хуманост и одговорност. Регионалниот лидер во приредување на игри на среќа, компанијата Mozzart, кампањата „Да бидеме општествено одговорни“ ја продолжи во клиничката болница во Битола, каде изврши донација на ЕКГ апарати наменети за потребите и функционирањето на КОВИД центарот.

„Голема благодарност до компанијата Mozzart за нивната донација. Ова не е прв пат да излегуваат во пресрет на потребите на Клиничката болница Битола, и тоа по нивна иницијатива, и како општествено одговорна компанија да покажат интерес за помагање на здравството. Овој пат Mozzart ни донираат ЕКГ апарати за потребите во КОВИД центарот кои што ни се од голема потреба и значајност, бидејќи веќе постоечките дотраени апарати ќе ги промениме и ќе ги обновиме со овие нови донирани ЕКГ апарати.” - изјави при примопредавањето на донацијата директорката на битолската клиничка болница, д-р Билјана Гагачовска.

Ова е трета донација во оваа здраствена установа изминатиов период.

„Од почетокот на пандемијата како компанија се обидуваме да обезбедиме максимална поддршка и помош на здравствените установи во државата. Целосно свесни за нивниот вложен напор, труд, бескомпромисна посветеност и истрајност, во рамки на нашата кампања „Да бидеме општествено одговорни“ се обидуваме да помогнеме и да излеземе во пресрет на потребите на болниците и медицинскиот персонал. Битолската клиничката болница има огромно регионално значење и токму затоа трет пат реализираме донација овде. Овој пат, во консултации со претставниците на болницата, донираме ЕКГ апарати, кои според нив претставуваат потреба за уште подобро функционирање на КОВИД центарот. Се надеваме дека со оваа донација ќе се олесни еден сегмент во работата на болницата и дека апаратите што ги донираме ќе значат дополнително подобрување на здравствените услуги кон пациентите” – изјави Сашко Димов, менаџер за корпоративни процеси во компанијата Mozzart.

Регионалниот лидер во приредување на игри на среќа, компанијата Mozzart, во рамки на својата постојана кампања за општествена одговорност „Да бидеме општествено одговорни“, изминатиот период реализираше голем број на донации во здравствените установи во различни региони во државата. Од компанијата информираат дека со кампањата „Да бидеме општествено одговорни“ ќе продолжат и во следниот период.