Македонка изработува вирални божиќни постери: „Подарете љубов за празниците“

Детали

вторник, 10 декември 2024

Оваа недела го издвојуваме инстаграм профилот graphy.mk. Профилот кој може секогаш да го разгледате и да се инспирирате кога нематe идеја за подарок. Тука може да нарачате персонализиран постер кој е направен со големо внимание, а би го подариле со многу љубов. 

Во пресрет на зимските празници тука се виралните персонализирани Божиќни постери. Оваа зима вашиот подарок нека биде незаборавен и нека ја дополнува зимската магија веднаш до елката. Постерите нека бидат ваш спомен претворен во уметност.

Постерите во рамка се достапни во А4 формат (21.0 x 29.7 cm). Текстот може да е по ваша желба, така што зимските постери нека зборуваат наместо вас. 

На профилот може да ги најдете изработките за секоја пригода, а тука мислиме на детските постери, новогодишните постери и свадбените постери.

Секој член од вашето друштво би се воодушевил на датумиран свадбен спомен, а нема и детенце кое не би се израдувало кога ќе го прочита своето име на постер. Вашите моменти ќе бидат зачувани засекогаш во рамка. 

Позади постерите стои 25 годишната Марија Палоска која вели дека малите детали се секогаш тајната на добриот дизајн. Иако професионално работи како бизнис аналист за банкарски софтвер, вели дека ужива во креативната работа. 

„Светот на AI технологиите, комбинацијата на Canva и Photoshop и можностите кои ни ги нудат моментално ни се одлични алатки кои може да се искористат за да се разработи една идеја. Но, не се тука само алатките, посветеноста и обрнување внимание кон тоа што им значи на луѓето никогаш нема да ве одведе во погрешен правец. Секогаш се грижам персонализираниот постер да е еден убав начин со кој би ја изразиле љубовта и мал гест кој вашите сакани ќе го чуваат и ќе ги потсеќа на вас.“

Доставата на нарачките се врши од Скопје, до сите градови во Македонија.