Heineken го слави шампионскиот фудбал со финале за сите навивачи: на 1 јуни, во Градски парк

Детали

четврток, 30 мај 2024

Финалето од Лигата на шампионите не е мала работа. По месеци меѓусебни дуели на клубовите што се дел од неа, на крај остануваат само двата најдобри и ги мерат силите на најголемиот фудбалски настан во годината. А тој, овој пат, ќе биде навистина посебен затоа што Heineken го прави тоа што може само најголемото светско пивско име...

Да ги собере верните, гласните, суеверните, жестоките и сите вистински посветени навивачи и да им приреди незаборавна фудбалска вечер со феноменална забава, уникатни содржини, незаборавни фудбалски доживувања, многу изненадувања и, секако, спектакуларно гледање на големото финале на екран од 551 инч.

Токму тие навивачи беа фокус на последната фудбалска кампања на ова пивско име, со цел да ги избрише стереотипите за тоа кој може да биде навивач и да покаже дека тоа може да биде секој што искрено ги сака фудбалот и неговата привлечност.

Затоа, ако спаѓаш во која било од овие категории навивачи и имаш желба да си дел од единствено фудбалско искуство, собери своја навивачка екипа, најди си место на теренот кај езерцето спроти стадионот во Градски парк и дојди на финале за сите навивачи!

На 1 јуни, со почеток од 18 часот.

*ВЛЕЗОТ Е СЛОБОДЕН