Игор Џамбазов, Дани Димитровска и повеќе артисти на хуманитарен концерт за спортот да стане достапен и за децата во социјален ризик

Детали

среда, 16 ноември 2022

Спортот треба да е достапен за сите, особено за децата! Затоа Hesed - International Children and Youth Organization и Центарот за боречки спортови Работнички Аодра прават значаен чекор за спортот биде достапен за сите деца, а на нас останува да ги поддржиме и да го дадеме својот придонес во оваа кауза. 

Во петок 18. Ноември со почеток од 20:00 часот во Equilibrium Day&Night ќе се одржи хуманитарен настан, ПЕЕМЕ ЗА FIT KIDS, кој има за цел да собере средства и да се помогне реализацијата на проектот кој се стреми да им го направи спортот достапен за децата од социјален ризик, а на истиот ќе настапат Игор Џамбазов, Дани Димитровска, Адриан Азири, Plan G Band, Марија Новак.

Идејата на овој проект е да го направи спортот достапен за сите, односно развој на здрави социјални, друштвени и психофизички спортски навики кај децата и младинците, ставајќи акцент на инклузивноста на деца во социјален ризик (старателски семејства), со деца од биолошки семејства и од различни националности.

Билетите се достапни преку продажната мрежа на mktikets, онлајн на линкот.

И во Центарот за боречки спортови Работнички Адора, секој работен ден од 18:00 до 20:00 часот.

Малите чекори можат да го направат светот поубаво место за живеење, а ние сме сигурни дека овој проект ќе биде позитивна промена која ќе смени нечиј живот, па така ајде сите да дадеме мал придонес за нечија насмевка!

Повеќе информации на  Фејсбук и Инстаграм