Фестивалски хепенинг во МКЦ по повод 20 години постоење на ПМГ Рекордингс

Детали

вторник, 18 септември 2018

На 06.10.2018год со почеток во 20:00ч во Младинскиот Културен Центар во Скопје по осми пат ќе се одржи Целовечерен Музички Фестивал „Сонична Младост“.

Фестивалот претставува продолжение на досегашните седум изданија организирани од страна на дискографската куќа ПМГ Рекордингс, која одбележува 20 години постоење.

ПМГ Рекордингс е независна дискографска куќа која во изминативе години е значаен фактор во домашните музички превирања, голем поддржувач на новата алтернативна музичка сцена, и на бендовите од новата генерација.

Свои перформанси во живо ќе имаат 15 домашни и странски бендови и диџеи. Инспирирани од потребата за културно обединување и широка афирмација на македонската современа музика, на три подиуми и бесплатен влез се очекува да се забавуваат над 3.000 посетители.

Фестивалот оваа година е поддржан од Златен Даб, бренд кој постојано ја поддржува урбаната култура и ја промовира македонската музичка сцена.